آه عليهم الغلابة

Oct14, 2017

+ شفته في صندوق زبالة ….. تحت رخة المطر

عيشة مرة مع حسالة … في العفونة في الخطر

 

زي قطة عاوزة مأوى …. والكلاب حواليه بتعوي

رعب اسود من ديابة ………… آه عليهم الغلابة

 

شفته تايه في الزحام …… والعنين زايغة حرام

آه يا عالم ارحموه …………. حد يفرش له ينام

 

أكلة سخنة ليها معنى …. نفسه ياكل من زمان 

مش بواقي من زبالة ……. نفسه يشبع بالأمان

 

لو سألته فين أبوك ………… هتلاقيه برَّق عينيه 

أصله مش فاهم سؤالك …….. هو أب يعني إيه

 

انت شفته ولا لسة …….. خد له من ابنك رغيف

هو مش جوة الكنيسة …،هتلاقيه على الرصيف

د. نبيل أرتيل